Përmbytje në ishullin e Sardenjës të Italisë, vdesin tre persona

21:44 | 28 Nëntor 2020
Arditë Shkodra

Të paktën tre persona janë mbytur në ishullin italian të Sardenjës pas përmbytjes së shkaktuar nga reshjet e mëdha të shiut.

Pamjet dramatike të publikuara në mediet sociale tregojnë lumenj me baltë që rrjedhin nëpër qytetin Bitti në provincën Nuoro, raporton BBC.

Due gocce a Bitti pic.twitter.com/7byRtAsZBV

— Giovanni Bua (@giovanni_bua) November 28, 2020

Mediet italiane thonë se tre personat që ndërruan jetë në vend përfshijnë një burrë të moshuar i cili u mbyt në shtëpi dhe një burrë që vdiq në automjetin e tij.

Erërat e forta dhe shiu kanë goditur ishullin që nga e premtja, duke ndërprerë energjinë elektrike si dhe duke detyruar evakuimin e disa njerëzve.

Andrea Soddu, kryetari i qytetit kryesor të provincës Nuoro, paralajmëroi për reshje “veçanërisht të mëdha” në zonë, derisa iu kërkoi qytetarëve të ushtrojnë “kujdes maksimal”.